සමගියේ නව නිළධාරීන් පත් කරයි.පාඨලීට තනතුරු නෑ.

සමගි ජන බලවේගය පක්ෂයේ ප්‍රථම කෘත්‍යාධිකාරී මණ්ඩලය අද (25) රැස්ව ඇති අතර, එහිදී පක්ෂය සඳහා නව නිලධාරී මණ්ඩලය පත්කර ගැනීම සිදුකර ඇත.

පක්ෂ නායකත්වය සජිත් ප්‍රේමදාස මහතා දරන අතර, මහලේකම් ධූරය රංජිත් මද්දුමබණ්ඩාර මහතාට හිමිව තිබේ.

පක්ෂ සභාපතීත්ව ෆීල්ඩ් මාර්ෂල් සරත් ෆොන්සේකා මහතාට හිමිවූ අතර තිස්ස අත්තනායක මහතා ජාතික සංවිධායකවරයා ලෙස පත්කර ඇත.

සමගි ජනබලවේගය වෙනුවෙන් ජ්‍යෙෂ්ඨ උප සභාපතිවරුන් 6 දෙනා ලෙස ලක්ෂන් කිරිඇල්ල, කබීර් හෂීම්, ඉමිතියාස් බාකීර් මාකර්, රවින්ද්‍ර සමරවීර, රාජිත සේනාරත්න සහ කුමාර වෙල්ගම යන පත්කොට තිබේ.

නව නිලධාරී මණ්ඩලයට උප සභාපතිවරු 8 දෙනෙකු තෝරා පත් කර තිබේ.

ආචාර්ය හර්ෂ ද සිල්වා මහතා භාණ්ඩාගාරික තනතුරටද ඉරාන් වික්‍රමරත්න මහතා පර්යේෂණ සහ සංවර්ධන ලේකම් ලෙසද  පත්කර තිබේ.

ජාත්‍යන්තර කටයුතු ලේකම් ලෙස නිරෝෂන් පෙරේරා ද විධායක නිලධාරිවරයා ලෙස අජිත් පී පෙරේරා ද පත්කර ඇත.

ෆර්හාන් කාසිම් සහ තිසත් විජයගුණවර්ධන නීති ලේකම්වරුන් ලෙසත් නියෝජ්‍ය ලේකම් තනතුරු 4ක් ද පත්කර තිබේ.

බුද්ධික, රංජිත් අලුවිහාරේ, ජේ.සී අලවතුවල යන මහත්වරුන් පතකර තිබෙන්නේ නියෝජ්‍ය ජාතික සංවිධායකවරුන් ලෙසය.

ඒ අනුව නව නිලධාරී මණ්ඩලයට පුද්ගලයින් 31 දෙනෙකු පත්කර තිබේ.

කෙසේවෙතත් පාඨලී චම්පික රණවක මහතාට එම නිලධාරී මණ්ඩලයේ කිසිදු තනතුරක් හිමි නොවීය.

Close Menu