දරුවන් යොදා ගනිමින් කරනු ලබන වීඩියෝ දර්ශන පෙළ ගැන විමර්ශනයක්.

මේ දිනවල සමාජ මාධ්‍ය හරහා දරුවන් යොදා ගනිමින් කරනු ලබන වීඩියෝ දර්ශන පෙළක් සංසරණය වේ . එම සංසරණය වෙමින් පවතින කුඩා දරුවන් ප්‍රචණ්ඩත්වයට පොළඹවන වීඩියෝ දර්ශන පිළිබඳ පරීක්ෂණ ආරම්භ කර ඇති බව පොලීසිය පවසයි.

මෙම වීඩියෝ දර්ශන සමාජ මාධ්‍ය වෙත මුදාහැර ඇති පුද්ගලයින් සම්බන්ධයෙන් ද විශේෂ විමර්ශනයක් ආරම්භ කර ඇති බව පොලීසිය සදහන් කරයි.

අද (01) පස්වරුවේ කොළඹ කැඳවා තිබු මාධ්‍ය හමුවකට එක්වෙමින් නියෝජ්‍ය පොලිස්පති අජිත් රෝහණ මහතා මේ බව පැවසීය.

මේ අතර මෙම සිද්ධියට වරදකරුවන් වන පුද්ගලයින්ට වසර 10ට නොඅඩු සිරදඞුවමක් ලබාදිය හැකි බව නියෝජ්‍ය පොලිස්පති අජිත් රෝහණ මහතා සදහන් කළේය.