ඊයේ වනවිට සමස්ත කොවිඩ් රෝගීන් ගණන 26000 පනී.

මෙරට සමස්ත කොවිඩ් -19 ආසාදිතයින්ගේ සංඛ්‍යා 26,000 සේ සීමාව ඉක්මවා ගොස් ඇත.

ඊයේ (03) දිනයේ හඳුනාගත් කොවිඩ් ආසාදිතයින් අතරින් වැඩිම ආසාදිතයින් සංඛ්‍යාවවූ 402ක් වාර්තාවී ඇත්තේ කොළඹ දිස්ත්‍රික්කයෙනි.

ගම්පහ දිස්ත්‍රික්කයෙන් ආසාදිතයින් 66ක් සහ රත්නපුර දිස්ත්‍රික්කයෙන් ආසාදිතයින් 35 දෙනෙකු ද වාර්තා වී ඇත.

ඊයේ (03) දිනයේදී අලුතින් කොවිඩ් ආසාදිතයින් 628 දෙනෙකු හඳුනාගැණුනු අතර ඉන් එක් පුද්ගලයෙකු විදේශගතව සිට මෙරටට පැමිණි ශ්‍රී ලාංකිකයෙකි.

අනෙක් ආසාදිතයින් 627දෙනා මීටපෙර හඳුනාගත් කොවිඩ් රෝගීන්ගේ ආශ්‍රිතයින් බව යුද හමුදාපති ලුතිනන් ජෙනරාල් ශවේන්ද්‍ර සිල්වා මහතා පවසයි.

මේ වනවිට රෝහල්ගතව ප්‍රතිකාර ලබන ආසාදිතයින් ගණන 6,878ක් බවද වසංගත රෝග විද්‍යා අංශය සඳහන් කරයි.

සමස්ත ආසාදිතයින්ගෙන් 19,032 කු පූර්ණ සුවය ලබා පිටව ගොස් ඇති අතර ඊයේ දිනය තුළ සුවය ලැබූ ආසාදිතයින් සංඛ්‍යාව 728කි.

මිනුවන්ගොඩ සහ පෑලියගොඩ කොවිඩ් පොකුරේ සමස්ථ ආසාදිතයින් සංඛ්‍යාව 22,484ක් වන අතර ඉන් 15,624 දෙනෙකු මේ වනවිට පූර්ණ සුවය ලබා රෝහල්වලින් පිටව ගොස් ඇත.

ඊයේ දිනයේ ද කොවිඩ් මරණ 05ක් වාර්තාවීමත් සමග මේ වනවිට ශ්‍රී ලංකාවේ  සිදුව ඇති කොවිඩ් ආසාදිත මරණ සංඛ්‍යාව ද 129ක් දක්වා ඉහළ ගොස් තිබේ. .

(ඊයේ දින කොවිඩ් ආසාදිතයින් හඳුනාගත් දිස්ත්‍රික්ක සහ එම.ප්‍රමාණයන් පහතින් දැක්වේ.)

කොළඹ දිස්ත්‍රික්කය – 402
ගම්පහ දිස්ත්‍රික්කය – 66
රත්නපුර දිස්ත්‍රික්කය – 35
කළුතර දිස්ත්‍රික්කය – 30
ගාල්ල දිස්ත්‍රික්කය – 15
අම්පාර දිස්ත්‍රික්කය – 14
කෑගල්ල දිස්ත්‍රික්කය – 07
කුරුණෑගල දිස්ත්‍රික්කය – 04
අනුරාධපුර දිස්ත්‍රික්කය – 02
මාතර දිස්ත්‍රික්කය – 02
මහනුවර දිස්ත්‍රික්කය – 01
නුවරඑළිය දිස්ත්‍රික්කය – 01
මුලතිව් දිස්ත්‍රික්කය – 01
මොනරාගල දිස්ත්‍රික්කය – 01
මාතලේ දිස්ත්‍රික්කය – 01
යාපනය දිස්ත්‍රික්කය – 01

ප්‍රදේශය හඳුනානොගත් ආසාදිතයින්  – 44