අගෝ 23: දිනයේ සමස්ත කොවිඩ්-19 ආසාදිතයින් ගණන 4,353ක් සහ පෙර දින සිදුවූ මරණ ගණන 194ක්

කොවිඩ්-19 වෛරසය ආසාදිතයින් ගණන 4,353 හඳුනාගත් බව යුද හමුදාපති, ජෙනරාල් ශවේන්ද්‍ර සිල්වා මහතා පවසනවා.

එය මෙතෙක් මෙරටින් වාර්තා වු වැඩිම දෛනික ආසාදිතයින් ගණන වෙනවා.

ඒ අනුව කොවිඩ් ආසාදිත බවට මෙරටදී හඳුනාගත් සමස්ත ආසාදිතයින් සංඛ්‍යාව 394,353ක් දක්වා ඉහළගොස් තිබෙනවා.

මේ අතර පෙර දිනයේ තහවුරු කළ කොවිඩ් මරණ සංඛ්‍යාව 194 බව සෞඛ්‍ය සේවා අධ්‍යක්ෂ ජනරාල්වරයා පවසනවා.

ඒ අතර කාන්තාවන් 103 දෙනෙකු ද පිරිමි පුද්ගලයින් 91 දෙනෙකුද සිටින අතර මියගොස් ඇති පිරිස අතර වයස අවුරුදු 60 හෝ ඊට වැඩි 145 දෙනෙකු සිටින බව සෞඛ්‍ය අංශ නිකුත්කළ නිවේදනයේ දැක්වෙනවා.

මෙම මරණ 194 සමග මෙරට සිදුවී ඇති සමස්ත කොවිඩ් මරණ සංඛ්‍යාව 7,560ක් දක්වා ඉහළගොස් ඇති බව සෞඛ්‍ය අංශ පවසනවා.